اروووووع المســــــجـــــااااااات 2011

من طرف محمد العاني 23 الخميس يناير 20, 2011 5:27 am

السلام عليكم

..تمثال الك بالعين وبصفه صوره *** متحف ذهب والناس تحلم تزوره

.. تحلم تزوره الناس هم هاي سهله *** للگبر وتعنيت منعوني اهله

..تمثال الك بالعين شايلتة الجفون *** و نافورة منة وبيه دمعات العيون

..عيني التود ملكاك ماتكدر تنام *** تكعد تدك صفنات وتسرح بالاوهام

..عيني التود ملكاك ماشافت النوم *** تتمنى لحظة وياك تتبادل هموم

..بالغفوه كبل النوم من ذكره اعاني *** شو بس غمظت العيون بالطيف اجاني

..هم غفت عينك يوم شكد قاسي كلبك *** باليقظه احلم بيك واصرخ احبك

..وسع الگبر ياخوي خل يوسع اثنين *** ادفني ويه هواي لتگلي بعدين

..وسع الگبر ياخوي وادفني وياه *** موش احنه متفقين امشي عله ممشاه

..كون استلم قانون واحكم حكم عام؟ *** واحكم على الينسون كلهم بالعدام

..كون انكلب فنجان بيد الكهوجي *** واوصل لحلك هواي واشكيله وابجي

..زين انت الگلب صار اسبوع ما شفته بالدار *** فارگته انه اسنين ما وصلت اخبار

..ناذر نذر لو جيت وتشوفك العين *** لكعد وجدي اسبوع يم باب الحسين

..الجواب..
..متعجب انته اسبوع ناذر تجدي *** انه العمر جديت ويدي على خدي

..كيفنه كلنه نصير مثل الامارات *** ماي وضوة وتبليط مو بس قرارات

..كالوا بعد سنتين حن وزع أبيوت *** تاليها حتى المات ماعنده تابوت

..لا عقد لا تعيين خيبت الامال *** من حالي يالدستور هم تستحي الحال

..لا عقد لا تعيين وامريكه تفتر×××××× تبني كثير اسجون بس الله يستر

..خبلني هاذا الوكت لازم اصير ثنين***بالكرخ اسمي عمر وبصوب الرصافه حسين

..رحت انه للدكتور راويته الجروح *** سد العياده وگام يبچيلي وينوح

..رحت انه للدكتور شاورني بسكوت *** لو ولفك يداويك لو باچر تموت

..ارد اسال الاعضاء عن لغز محتار *** گليبي صار اسبوع ما شفته بالدار

..ارد اسال الاعضاء عن لغز محتار *** گليبي صار اسبوع ما شفته بالدار

.. واختم الكم هاي المسجات بهذا المسج المؤلم :
..طاح العراق وكام شاف المصيبة..... امريكي جر بغداد من الكصيبة ..

ان شاء الله يعجبــــــــــــــــــــــــــــــــــــكم